З
такой просьбай звярнулася да знаёмых
адна з лунінчанак, калі даведалася пра
жыццё сваёй нябеснай ахоўніцы.
Гэта
імя ў 1950-ыя, у памяць бабулі і прабабулі,
далі ёй бацькі, занатавана яно і ў
пашпарце. Але паважаная жанчына лічыла
яго нямодным і непрыгожым, таму і прасіла
называць яе па-іншаму. Такое шчырае
прызнанне ў інфармацыйна-асветным
цэнтры храма іконы Божай Маці “Спатоленне
пагіблых” (“Взыскание погибших”)
пачулі ўдзельніцы чарговай сустрэчы,
якая была прысвечана імянінніцам
кастрычніка.
У
першы дзень месяца царква прыгадвае
Фёклу (з грэчаскага – “слава Божая”,
па-лацінску – Тэкля) – роўнаапостальная
першапакутніца вылечвала людзей ад
хвароб.
21 кастрычніка адзначаецца дзень дзвюх
святых. Імя Пелагея (з грэчаскага –
“марская”) таксама цяпер не карыстаецца
папулярнасцю. Магчыма, даведаўшыся, што
нябесная ахоўніца была вялікай
праведніцай, носьбіты імя будуць яго
шанаваць. У “Таісіі” занатавана сувязь
з грэчаскай багіняй ўрадлівасці Ізідай,
тлумачыцца імя яшчэ як “мудрая”. З
павагай прыгадалі Т.І. Басюк і Т.Р.
Зоцікаву, якія былі першымі настаўніцамі
многіх гараджан, урача-дэрматолага Т.В.
Марэйка, якая стаіць на варце здароўя
лунінчан.
Гэтаму
і наступнаму імя больш пашанцавала,
хаця цяпер яны дастаткова рэдкія. Святая
Зінаіда (з грэчаскага – “як Бог”)
шануецца 24-га. У рэдакцыі раённай газеты
(дарэчы, таксама імянінніцы кастрычніка!)
працавалі цёзкі – бухгалтар З.І. Клімовіч
і карэктар З.В. Мельнікава. У паслядоўніцы
ветэрана працы, цяперашняга спецыяліста
“ЛН”, мама – З.М. Поляк – носіць такое
імя. Калегай газетчыкаў можна назваць
З.А. Гнедзька, якая працавала ў “Саюздруку”.
Яна з’яўляецца прыхаджанкай храма, як
і ветэран працы Фонду сацыяльнай абароны
З.С. Богдан. Віталі з надыходзячым днём
анёла Зінаіду Сяргееўну, а таксама З.М.
Молчан. Імя добрасумленнай працаўніцы
БУ-62 (што, на жаль, спыніла сваё існаванне)
было занесена ў раённую Кнігу Гонару.
На заслужаным адпачынку Зінаіда
Міхайлаўна прысвяціла сваё жыццё храму
– удзельнічала ў яго ўзвядзенні,
выконвала розныя паслушанні. І дагэтуль
запатрабаваны яе высокапрафесійныя
будаўнічыя ўменні.
Для
імянінніц, іх родных і сяброў, усіх
удзельнікаў сустрэчы быў паказаны фільм
“Нечаканы Афон”. Настаяцель храма
іерэй Сергій Крышталь расказаў аб яго
стваральніку. Гэта – пісьменнік Юрый
Вараб’еўскі, з якім бацюшка пазнаёміўся
ў Пінску на адным з фестываляў праваслаўнай
культуры.
Таццяна
КАНАПАЦКАЯ. Фота аўтара.
Комментарии
Отправить комментарий