15
год таму іерэй Сергій Крышталь, настаяцель
храма іконы Божай Маці “Спатоленне
пагіблых” (“Взыскание погибших”),
прыняў духоўны сан.
Красавік
– важны месяц у жыцці
бацюшкі. У красавіку ён нарадзіўся. У
красавіку адбылася яго хіратонія – і
ў дыякана, і ў свяшчэнніка. І
ў наш Лунінец ён быў прызначаны ў
красавіку! З выдатнай датай, 15-годдзем
духоўнага служэння, настаяцеля віншавалі
ў вельмі важнае для храма свята – Пахвала
Прасвятой Багародзіцы.
Цяперашні
Патрыярх, яшчэ ў бытнасць яго рэктарам
Ленінградскай духоўнай акадэміі,
звяртаючыся да будучых свяшчэннікаў,
казаў: “Не мы абралі Хрыста – гэта
Хрыстос выбраў нас”. Пэўна, сутыкнуўшыся
з бязмежнай адказнасцю, якая ўскладаецца
на плечы пастыра, з цягам часу многія
хацелі б больш спакойнага паслушэнства.
Вядома, што і Патрыярха Пімена неяк
спыталі, кім бы ён хацеў быць? І
пачулі ў адказ: вартаўніком на ніжняй
браме Пскова-Пячэрскага манастыра. У
кожным жарце ёсць доля праўды…
Але
яшчэ ў маладосці айцец Сергій мудра
ўсвядоміў: кожны знаходзіцца на тым
месцы, на якім павінен рэалізаваць сябе.
Як
ўдзячны лунінчане, што Промысл Божы
прывёў маладога свяшчэнніка ў наш горад!
Яму паверылі людзі – і неўзабаве айцец
Сергій ўзначаліў стварэнне новага
прыходу. А затым, як у старажытныя
хрысціянскія часы, на святым месцы –
паміж воінскімі могілкамі Першай і
Другой сусветнай войнаў – быў узведзены
Дом Божы.
Свяціцель
Мікалай Сербскі пісаў, што “чалавек
– вышэй за зоркі”.
З такой жа павагай адносіцца
айцец Сергій да кожнага чалавека. На
стваральныя справы бацюшка згуртоўвае
навакольных любоўю. Яго сардэчную
цеплыню і добразычлівасць адчуваюць
вельмі многія людзі, нават калі яны не
з’яўляюцца прыхаджанамі нашага храма.
15-годдзе
хіратоніі – гэта своеасаблівая
справаздача, перш за ўсё,
самому сабе. Ганаровы Патрыяршы
Экзарх, мітрапаліт
Філарэт (Вахрамееў) заўсёды заклікаў
духавенства “сціпла
служыць Царкве”. Сціпла
– у дадзеным выпадку
зусім не азначае “абмежаваўшы
сябе сценамі храма”. Айцец
Сергій пастаянна прапаведуе Слова Божае
ў школах і каледжах, на
прадпрыемствах і ва ўстановах,
дзе яго чакаюць значна часцей, чым
дазваляе шчыльны графік занятасці.
Па
збегу абставін віншаванні ў храме
ў гэты дзень былі не такімі
шматлікімі, як прывыклі
прыхаджане, напрыклад, на храмавае
свята. Але самае
галоўнае – што лунінчане
памятаюць наш “святок”,
што 18 лютага многія
вытворчыя кіраўнікі,
грамадскія дзеячы і звычайныя
людзі славяць Багародзіцу ў яе іконе
“Спатоленне пагіблых”,
цалкам справядліва атаясамляючы храм
з яго настаяцелем.
Бог
так уладкаваў, што чалавек
змяняецца да лепшага з
дапамогай іншага чалавека. Прыхаджане
ўдзячны, што менавіта айцец Сергій
дадзены нам для пастырскага служэння.
Каб арганізаваць ўзвядзенне чарговых
аб’ектаў храмавага
комплекса – упрыгожання
былога ўрочышча Баханова.
Каб натхніць прыхільнікаў
на новыя напрамкі дзейнасці ў
рэлігійнай адукацыі. Каб,
пасля размовы са свяшчэннікам,
перадаваць пазітыў і добразычлівасць
“раскошы чалавечых
зносін” сваім сябрам.
Пажаданні
настаяцелю гучалі вельмі
шчыра і ўдзячна.
Каб шчасціла яго блізкім.
Каб паяўлялася больш аднадумцаў у той
высакароднай справе, што
айцец Сергій робіць не
дзеля сябе – для ўсяго
грамадства. Каб да свяшчэнніка
часцей прыходзілі людзі не
толькі за суцяшэннем у смутку, але і
падзяліцца сваёй радасцю
(у адпаведнасці з высокім званнем –
хрысціяне).
Ад
імя прыходу кветкі і падарункі ўручылі
першыя памочнікі свяшчэнніка ў набажэнстве
– рэгенты хораў “Любімічы” (Алена
Георгіеўна Кавалевіч) і “Мірніца”
(Таццяна Віктараўна Круглік). Пад
скляпеннямі храма трохразова гучала
“Многая лета” як прыходскае блаславенне
настаяцелю на працяг такога ж адданага
пастырскага служэння – на ўвесь шлях,
адмераны Госпадам...
Таццяна
Канапацкая. Фота аўтара.
Комментарии
Отправить комментарий