Вершы
Ларысы Геніюш гучалі ў інфармацыйна-асветным
цэнтры храма іконы Божай Маці “Спатоленне
пагіблых” (“Взыскание погибших”) г.
Лунінца, а біяграфія паэткі ўразіла
дачыненнем да духоўнай гісторыі нашага
краю.
Традыцыйную
праграму “Дзень Анёла” адкрыў настаяцель
іерэй Сергій Крышталь. Бацюшка расказаў
аб нябесных заступніках, якія паяўляюцца
ў кожнага з набыццём імя, што даецца пры
хрышчэнні. Прыгадалі трох святых, памяць
якіх шануецца ў красавіку. Іх імёны ў
Год культуры гучаць вельмі сімвалічна:
Лідзія – “культурная”, Алла –
“вытанчаная”, Ларыса – “чайка”
(птушыны палёт як увасабленне натхнення).
Гісторыя
літаратуры занатавала шмат славутых
імёнаў, якія сваёй творчасцю дасягалі
вышынь духоўнасці. І гэтым даказвалі,
што годныя імёнаў святых, у гонар якіх
названы. Сустрэчу прысвяцілі Ларысе
Геніюш (1910-1983), чые словы: “Як жыць –
дык жыць для Беларусі, // А без яе – зусім
не жыць!” сталі дэвізам жыцця многіх
нацыянальных творцаў.
Госць з
Мінска – паэт Міхась Скобла прадставіў
новую мастацка-дакументальную кнігу
“Духу магутныя чары…”, укладальнікам
якой з’яўляецца. Ён расказаў пра вядомую
паэтку, якая прайшла праз цярновыя
пакуты, але захавала любоў да роднай
зямлі і сілу духу. Магчыма, гэтыя пачуцці
ўмацоўвала адданасць веры? Пасля
вызвалення з гулагаўскага лагера Ларыса
Антонаўна асталявалася ў Зэльве і жыла
ў сядзібе насупраць царквы. Свяшчэннік,
якому таксама было складана ў часы
ваяўнічага атэізму, знайшоў прытулак
у “блаславёнай хаце”. Пасля бацюшку
давялося і адпяваць сваю духоўную дачку.
Літаратурна-музычныя
сустрэчы ў памяць аб Ларысе Геніюш
праводзяцца ў Свята-Траецкім храме г.
Зэльва. У свой час мітрапаліт Мінскі і
Слуцкі Філарэт блаславіў узвядзенне
помніка паэтцы на царкоўным двары.
Калі было
названа імя яе духаўніка – айцец Васілій
Чыкіда, – удзельнікі сустрэчы былі
вельмі ўражаны. Многія жыхары раёна
ведалі гэтага духоўнага пастыра, які
служыў у Мікашэвічах, дзе на мяжы
тысячагоддзяў закончыўся яго зямны
шлях. Хочацца спадзявацца, што даследаваннем
жыцця свяшчэнніка, які ўвайшоў у гісторыю
беларускай літаратуры, зацікавяцца
мясцовыя гімназісты.
Салістка
Белдзяржфілармоніі Таццяна
Грыневіч-Матафонава падарыла ўдзельнікам
літаратурна-музычнай праграмы свае
песні, якія сутнасцю і настроем адпавядалі
малітвам. Сталічныя паэт і спявачка
адзначылі, што ў памяшканні былога храма
адчуваецца моцная энергетыка намоленасці,
што ім хочацца яшчэ не раз выступіць у
гэтых цёплых драўляных сценах, пад
строгім і міласэрным наглядам лікаў
святых з амаль 200 ікон. Гэта прызнанне
з радасцю ўспрынялі ўдзельнікі сустрэчы.
Бібліятэкар
політэхкаледжа Вера Яўгенаўна Скіба:
–Праграма
ўзбагаціла педагогаў інтэлектуальна
і духоўна. Атрымалі столькі новых ведаў
па беларускаму літаратуразнаўству! Што
да дзяцей, то нашы першакурснікі ўпершыню
сустрэліся з прафесійнымі паэтам і
спявачкай, таму ўдзел у падзеі ўспрынялі
за гонар. А яшчэ многія зрабілі адкрыцці,
што шэдэўры лірыкі, напрыклад, “Мой
родны кут” Якуба Коласа ці “Малітва”
Генадзя Бураўкіна, сталі песнямі…
Ветэран-педагог
Аляксандра Георгіеўна Кулага,
узнагароджаная знакам “Выдатнік
адукацыі Беларусі”:
–Таленавітыя
творцы падарылі столькі натхнення, што
пасля сустрэчы здаваліся дробязнымі
самыя складаныя праблемы! Госці нам
прапанавалі азірнуцца і заўважыць
адметнасць родных мясцін. Лунінецкі
край таксама з’яўляецца неад’емнай
часткай Беларусі, прыгажосць якой
адлюстроўвалі вершы і песні. Такая
творчасць, як і малітвы, нас прымушае
станавіцца лепшымі…
Бібліятэкар
сельгаскаледжа Ніна Мікалаеўна Дамашэвіч:
–Дарослыя
былі ў захапленні ад цудоўных вершаў і
малітоўных спеваў! Што да навучэнцаў,
то запрасілі на сустрэчу дзяцей, якія
не вызначаюцца прыкладнымі паводзінамі,
выхоўваюцца ў нядобранадзейных сем’ях.
Не чакала адабрэння, але па стрыманасці
і прыцішанасці юнакоў і дзяўчын магу
меркаваць, што паэт і спявачка зрабілі
ўражанне. Як трэба, каб такія духоўныя
зносіны адбываліся часцей…
Ветэран
педагагічнай працы Лідзія Уладзіміраўна
Барадзінская:
–Сустрэча
– сапраўдны падарунак да дня анёла!
Рада, што захапіла з сабой з дачы букет
цюльпанаў і ўручыла гасцям. Яны ж
падкрэслівалі, што ў сталіцы яшчэ нішто
не цвіце, а на Лунінеччыне ўжо буяе
прыгажосць вясны!
Госці з
Мінска наведалі і Мікашэвічы. Завіталі
ў храм Нараджэння Іаана Прадцечы,
пакланіліся яго святыням – іконе, дзе
лік Багародзіцы адлюстраваўся на шкле
ківота, і караням дрэва, што зрасліся ў
крыж...
Таццяна
КАНАПАЦКАЯ. Фота аўтара.
Комментарии
Отправить комментарий