У
Лунінцы праведзена дабрачынная акцыя
Біблейскага таварыства Рэспублікі
Беларусь.
Усведамленне,
паэтычна выказанае вядомым творцам, да
яго прыйшло ў сталым ўзросце. Каб таямніцы
“кнігі кніг” раней адкрыліся дзецям,
у наш горад з Мінска завіталі прадстаўнікі
Біблейскага таварыства. Разам з
настаяцелем храма іконы Божай Маці
“Спатоленне пагіблых” (“Взыскание
погибших”) іерэем Сергіем Крышталем
яны зрабілі першы прыпынак у
сацыяльна-педагагічным цэнтры з
сацыяльным прытулкам. У добраўпарадкаваным
ўтульным памяшканні чатырнаццаць
выхаванцаў уважліва слухалі гасцей.
Дзеці былі такімі прыгожымі і дагледжанымі,
што заставалася ў думках дзякаваць
дзяржаве за клопат і маліць Бога, каб
нядобранадзейныя бацькі хутчэй асэнсавалі
самую вялікую каштоўнасць жыцця ў сваіх
сынах і дочках, а значыць – сталі на
шлях цвярозага ладу жыцця. Безумоўна,
у асэнсаванні ганебных учынкаў і
раскайванні аб грахах дапамагае духоўная
літаратура. Хочацца спадзявацца, што
чытанне добрых кніг, падораных цэнтру,
засцеражэ дзяцей ад няправільных крокаў
і памылковага выбару.
Начальнік
аддзела дабрачынных праектаў таварыства
Анатоль Мікалаевіч Грэбень пранікнёна
расказваў аб Бібліі – кніжным помніку
вечнасці. Каштоўны груз у Лунінец
даставіў загадчык гаспадаркі Юрый
Міхайлавіч Волчак. Наталяць смагу
духоўных ведаў важна ў любым узросце.
Даждлівае надвор’е і позні час
перашкодзілі гасцям наведаць аддзяленне
кругласутачнага знаходжання грамадзян
пажылога ўзросту і інвалідаў тэрытарыяльнага
цэнтра сацыяльнага абслугоўвання
насельніцтва, а таксаму бальніцу
сястрынскага догляду. Падабраныя
бібліятэчкі будуць перададзены ў гэтыя
ўстановы.
Самая
ж вялікая частка выданняў папоўніла
кніжны збор новага храма. Сімвалічна,
што ў гэтую ноч тут дзяжурыла бібліятэкар
гімназіі Ірына Пятроўна Раманчук, якая
па вартасці ацаніла духоўныя скарбы.
Пашанцавала і другой дзяжурнай –
настаўніца гімназіі Ірына Аляксандраўна
Грушэўская ноч перад юбілейным днём
нараджэння вырашыла правесці ў храме
і, такім чынам, атрымала самы першы
падарунак – Біблію.
У
кожнага ёсць магчымасць наведаць
прыходскую бібліятэку і выбраць кнігу,
пасля знаёмства з якой, зноў жа па словах
паэта:
“…Свяжэе
подых сівярка, чужээ цесната людская,
Душу
спакоем абмывае, як свет, глыбокая рака”.
Таццяна
КАНАПАЦКАЯ. Фота аўтара.
Комментарии
Отправить комментарий