Такі
прыемны вывад зрабілі сёстры міласэрнасці
храма Богаяўлення, што будуецца ў
мікрараёне “Лошыца” г. Мінска.
Прыхаджане
сталічнай царквы суправаджалі часцінку
мошчаў благаверных князя Пятра і княгіні
Феўроніі, Мурамскіх цудатворцаў, якая
пяць дзён была адкрыта для пакланення
вернікаў у храме іконы Божай Маці
“Спатоленне пагіблых” (“Взыскание
погибших”) г. Лунінец. На працягу гэтага
часу штодзень у 9 гадзін раніцы служылася
Боская Літургія, а ў 17.30 вечара – малебен
з акафістам святым, якіх па праву
называюць ахоўнікамі сям’і.
Мінчане
адзначалі, што былі прыемна ўражаны
няспынным людскім патокам з гарадоў і
вёсак раёна. Яшчэ больш іх здзівілі
мясцовыя дзеці.
–Справа
не ў тым, што бацькі вялі да святыні
сваіх сыноў і дочак, – удакладніла
сястра Людміла. – У наш храм, дзе пастаянна
знаходзіцца часцінка мошчаў Мураўскім
цудатворцаў, таксама прыходзяць маліцца
сем’ямі. Але якія паслухмяныя вашы
хлопчыкі і дзяўчынкі! Гэта бачна па
паводзінах каля нашых ларкоў з рэчамі
царкоўнага ўжытку. Сталічныя дзеці
больш разбэшчаныя, патрабуюць у мам:
купі тое, купі гэтае! Тут жа нават падлеткі
раюцца з бацькамі: можа, гэта купіць на
памяць, можа, што іншае. І цярпліва
чакаюць вердыкту бацькоў. Дарослыя ж
не спяшаюцца, разважліва выбіраюць,
абмяркоўваюць. Такая грунтоўнасць у
кожным сказе ці руху!
–А
мне патэлефанавала шчаслівая дачка з
Мінска: ёй падарылі білет на канцэрт
Макса Каржа, – заўважыла сястра Марына.
– Смяецца: мама, ты ў Лунінец, а я на
канцэрт лунінчаніна. Цудоўна, што юнак
ганарыцца сваімі каранямі.
–Заўсёды
лічылі Палессе незвычайным краем, – да
размовы далучылася сястра Алена. – Хаця
і не ўдалося ажыццявіць экскурсію па
горадзе, але завочна, дзякуючы людзям,
проста захапляемся вашым Лунінцам.
Шматлікія
мясцовыя вернікі спыняліся каля
царкоўнага ларка і дзякавалі мінчанам
за цудоўную нагоду пакланіцца машчам
Пятра і Феўроніі, папрасіць у святых
дапамогі ў складанай сітуацыі, памаліцца
за захаванне ладу ў сем’ях.
Са
здзіўленнем даведаліся, што настаяцель
мінскага храма Богаяўлення іерэй
Уладзімір Герасіменка – нашчадак у
чацвёртым пакаленні свяціцеля Лукі
Война-Ясянецкага, архіепіскапа Крымскага,
часцінка мошчаў якога знаходзілася ў
Лунінцы ў ліпені. А ў нядзелю вечарам,
калі айцец Уладзімір прыехаў за святыняй,
ён падарыў нашаму храму часцінку мошчаў
свайго продка!
Шчыра
падзякавалі Богу, што ў лістападзе святы
Лука не толькі прывёў благаверных Пятра
і Феўронію, але і сам застаўся ў нашым
краі…
Таццяна
КАНАПАЦКАЯ. Фота аўтара і Кірыла САВІЧА.
Комментарии
Отправить комментарий