Музей
буквара ў СШ №1 г. Мікашэвічы наведалі
памочнікі Благачыннага Лунінецкай
акругі.
На
Пятых Свята-Андрэеўскіх педагагічных
чытаннях захапіла выступленне загадчыцы
бібліятэкі гэтай школы Галіны Міронавай.
Яна расказвала пра збор кніг, якія лічыць
самымі важнымі ў жыцці, таму што: “С
чего начинается
Родина? С картинки в твоем букваре…”.
Асаблівую
цікавасць выклікаў такі факт. Свяшчэннік
мясцовага храма Аляксандр Масяйчук
падарыў бібліятэцы буквар Ціхаміравых
на рускай і царкоўнаславянскай мовах
выдання 1914 года. Высветлілася, што
створаны ён у сярэдзіне ХІХ стагоддзя,
а сёлета гэты рарытэт у чарговы раз
перавыданы. І сучасны экземпляр буквара,
вытрымаўшага 150-гадовую праверку часам,
Галіне Іванаўне ўручыў памочнік
Благачыннага па рэлігійнай адукацыі,
настаяцель храма іконы Божай Маці
“Спатоленне пагіблых” (“Взыскание
погибших”) г. Лунінца іерэй Сергій
Крышталь з дарунчым надпісам: “Няхай
дапамагае Бог тым, хто сапраўды шануе
кнігу!”. Было прыемна даведацца, што
аналагічнае выданне мікашэвіцкім вучням
падарылі ўжо ў царкоўнай лаўцы ў
Свята-Мікольскім храме Брэсцкай крэпасці.
Але буквар варты таго, каб на паліцы
стаялі тры аднолькавыя кнігі. Аказваецца,
перавыдаваўся 160 разоў агульным тыражом
больш як 5 мільёнаў экземпляраў! А
памочнік Благачыннага па місіянерскім
служэнні, настаяцель Спаса-Прэабражэнскага
храма в. Язвінкі іерэй Сергій Чыж у
падарунак школе пакінуў кнігу свяшчэнніка
Гардзея Шчаглова “Адняты крыж” –
выданне вельмі карыснае, асабліва для
настаўнікаў гісторыі. Дырэктар школы
Дзям’ян Сцяпанавіч Дубейка падзякаваў
свяшчэннікам за наведванне навучальнай
установы і выказаў сваё педагагічнае
крэда – выхоўваць у вучнях духоўнасць.
Да гэтага ж заклікае і царква, супрацоўніцтва
якой з установамі адукацыі замацавана
адпаведнымі афіцыйнымі пагадненнямі.
Таццяна
КАНАПАЦКАЯ. Фота аўтара.
Комментарии
Отправить комментарий