Наша
зямлячка, якая жыве ў Прыбалтыцы, перадала
ў храм іконы Божай Маці “Спатоленне
пагіблых” (“Взыскание погибших”)
вельмі каштоўны падарунак.
Днямі
ў раённай газеце распавядалася пра
кантакты Лунінца з латвійскім
горадам-пабрацімам Лімбажы. Гэта
выклікала асаблівую цікавасць. Як
вядома, новая царква асвячана на часцінцы
мошчаў свяшчэннапакутніка Іаана
(Помера), архіепіскапа Рыжскага і
Латвійскага. 80-годдзю яго прастаўлення
прысвячалі вакальна-паэтычную праграму
“Пакроўскі кімвал”, аб чым таксама
пісалі “ЛН”.
У
нядзелю пасля чарговай серыі “Падарожжа
ў Літургію” настаяцель іерэй Сергій
Крышталь усхвалявана паведаміў:
–Уявіце
маё душэўнае ўзрушэнне: глядзім фільм,
створаны епіскапам Іаанам (Пурычам), а
атрымліваем своеасаблівы працяг – два
дыскі пра архіепіскапа Іаана (Помера)…
І
не толькі. У падарунак храму перададзены
таксама кніга аб ім з аўтографам аўтара,
акафіст свяшчэннапакутніку, публікацыя
аб прыходзе храма Успенія Багародзіцы
горада Елгава. Настаяцель царквы ігумен
Феафан (Пажадаеў) – былы марскі афіцэр,
цяпер нясе пастырскае служэнне. Асновай
выдання стала яго дысертацыя на званне
кандыдата багаслоўя, прысвечаная
свяшчэннапакутніку, які ўваходзіць у
саборы беларускіх і латвійскіх святых.
Хочацца
верыць, што сам Іаан (Помер) з нябёсаў
благаслаўляе зямное супрацоўніцтва
жыхароў дзвюх краін…
Таццяна
КАНАПАЦКАЯ. Фота аўтара.
Комментарии
Отправить комментарий