Да
Дня праваслаўнай кнігі ў СШ №2 г. Лунінца
правялі конкурс юных чытальнікаў “Паэзія
дабрыні”.
Ініцыятарам
урачыстасці стала настаўніца 3 “Г”
класа Валянціна Уладзіміраўна Мігалевіч,
а дапамагала арганізатару выкладчыца
рускай мовы і літаратуры Ірына
Аляксандраўна Молчан – настаўніца
нядзельнай школы храма іконы Божай Маці
“Спатоленне пагіблых”.
У
вокны актавай залы ўсміхалася веснавое
сонейка, а на сцэне звонкія дзіцячыя
галаскі ўхвалялі прыгажосць Божага
свету. Да мерапрыемства адказна
падрыхтаваліся дваццаць пяць вучняў
3-4 класаў. Гэта было бачна не толькі па
стараннасці і выразнасці дэкламавання
вершаў, але і па прыгажосці ўбранняў
дзяўчынак і хлопчыкаў. Інакш і нельга
чытаць паэтычныя радкі! Уяўленне аб іх
пранікнёнасці даюць нават назвы
намінацый: “З любоўю да Радзімы”, “Што
стварыў Гасподзь, мы ўслаўляем”, “Велічае
душа мая Госпада”, “Бог ёсць любоў”,
“Шануем праваслаўныя святы”. Падобна
вершам, музычныя і мультымедыйныя паузы
таксама імкнуліся захапіць дзяцей
прагай дабрыні і шчырасці, якімі была
насычана гадзінная праграма.
А
спачатку было… благаславенне – поспехаў
удзельнікам пажадаў настаяцель
Свята-Параскевінскага храма в. Бастынь
а. Іаан Пятрэнка. Бацюшка і ўзначаліў
журы, у склад якога ўвайшлі настаўніца
Тамара Адамаўна Кацуба, сужэнцы Мартынавы
– дыякан а. Васілій і рэгент Таццяна з
Лунінецкай Свята-Крыжаўзвіжанскай
царквы. Былі вызначаны пераможцы і
прызёры, але прайграўшых у конкурсе не
было. Захопленыя атмасферай свята душы,
госці з задавальненнем узнагароджвалі
ўсіх юных чытальнікаў, у сваю чаргу
атрымаўшы ад іх цудоўныя самаробныя
сувеніры. Прасякнуўшыся пачуццём
творчасці вучняў і супрацоўніцтва
педагогаў, жадалі ўсім працягу новых
спраў, што могуць стаць традыцыямі
юбілейнага, 70-га, навучальнага года
школы.
Таццяна
КАНАПАЦКАЯ. Фота аўтара.
Комментарии
Отправить комментарий