Велікапостнае свята

У інфармацыйна-асветным цэнтры храма іконы Божай Маці “Спатоленне пагіблых” (“Взыскание погибших”) адбылася чарговая сустрэча ў гонар імяніннікаў сакавіка.

Дзень святой Галіны царква адзначае тройчы: 23 лютага, 29 красавіка, а таксама 23 сакавіка. Па традыцыі ў нядзелю павіншавалі імянінніц. Са шчырымі словамі да іх звярнуўся настаяцель іерэй Сергій Крышталь. Святкаванне адметных дат у перыяд вялікага посту мае свае асаблівасці – яно сапраўды павінна быць “спакойным і ціхім”, што і азначае імя “Галіна” ў перакладзе з грэчаскай мовы . Бацюшка павітаў імянінніц, сярод якіх былі прадстаўніцы розных сфер дзейнасці. У рамках праграмы “Сямейнае кіно” ўдзельніцы сустрэчы прагледзелі дакументальны фільм “Дарогаю любві”, прысвечаны дзейнасці стаўрапігіяльнага жаночага Свята-Сцяфана-Махрышчскага манастыра. Расчуленыя лунінчанкі адзначалі, што самым лепшым падарункам у дзень анёла для іх стала адчуванне таго, што за іх моляцца цудоўныя манахіні абіцелі…

Таццяна КАНАПАЦКАЯ. Фота аўтара.