маліліся
духавенства і вернікі 18 лютага ў храме
іконы Божай Маці “Спатоленне пагіблых”
(“Взыскание погибших”).
Прастольнае
свята новай лунінецкай царквы, якое
сёлета адзначалася ў 10-ы раз, сваёй
прысутнасцю ўшанаваў архіепіскап Пінскі
і Лунінецкі Сцяфан. Уладыку саслужылі
настаяцелі прыходаў: протаіерэй а.
Валерый Скрабец (храм Нараджэння
Багародзіцы в. Лахва), іерэі – а. Сергій
Чыж (Спаса-Прэабражэнскі храм в. Язвінкі),
а. Алексій Ільючык (храм Новамучанікаў
і Спаведнікаў Беларускіх в. Красная
Воля), а. Іаан Пашкевіч (храм вялікамучаніка
Георгія Пераможаносцы в. Вялікія
Круговічы Ганцавіцкага благачынія), а.
Аляксандр Сыцэвіч (храм, які будуецца
ў Пінску ў гонар святых Пятра і Феўроніі),
дыяканы, якія суправаджалі архіерэя, і
а. Васілій Мартынаў са Свята-Крыжаўзвіжанскага
храма.
З
10-годдзем прыхода настаяцеля а. Сергія
Крышталя павіталі дырэктар гімназіі
Аляксандр Аляксандравіч Грушэўскі з
вучнямі і настаўнікамі, галоўны інжынер
ПУВП “Вікторыя” Юрый Мікалаевіч
Плаксін, старшыня раённага савета
ветэранаў педагагічнай працы Наталля
Іванаўна Казанкова. Шчырыя словы
ўдзячнасці Ўладыку Сцяфану і
свяшчэннаслужыцелям выказалі член
Савета Рэспублікі Нацыянальнага Сходу
Таццяна Дзмітрыеўна Ўдавенка, прадстаўнікі
ўстаноў, што духоўна акармляе новы храм,
– намеснік галоўнага ўрача цэнтральнай
раённай бальніцы Вольга Рыгораўна
Чынікайла і бібліятэкар сельгаскаледжа
Ніна Мікалаеўна Дамашэвіч.
Пад
скляпеннямі храма гучалі моцныя галасы
духавенства. Літургію мілагучна
суправаджаў клірасны хор – ансамбль
“Мірніца” ў складзе выкладчыкаў
Лунінецкай дзіцячай школы мастацтваў
(рэгент Таццяна Віктараўна Круглік).
Бацюшка а. Сергій уручыў духоўныя кнігі
панамару – 10-класніку СШ №2 г. Лунінца
Кірылу Савічу і яго настаўніцы Наталлі
Аляксееўне Ерамяевіч, праца якіх заняла
2-ое месца ў абласным конкурсе “З навукай
– у будучыню”. Яны прысвяцілі даследаванне
святыні нашага края – Дзятлавіцкаму
Нова-Пячэрскаму Спаса-Прэабражэнскаму
мужчынскаму праваслаўнаму манастыру.
Гэты
поспех можна назваць сапраўдным
падарункам прастольнаму святу і пажадаць
кожнаму прыхаджаніну дасягнення плёну
ў справе, якой займаецца.
Таццяна
Канапацкая. Фота Сяргея Ільіна.
Комментарии
Отправить комментарий