заклікалі ўдзельнікі міжнароднай сустрэчы ў гонар Дня славянскага пісьменства, якая 24 мая адбылася ў Зарэчненскім раёне Украіны.
Па
благаславенню архіепіскапа Пінскага
і Лунінецкага Сцяфана памежны раён
краіны-суседкі ўпершыню наведала
дэлегацыя з нашай епархіі. Ад Пінска да
пагранічна-мытнага пераходу – 34
кіламетры. Яшчэ 10 – да сяла Марочна, дзе
гасцей прымаў настаяцель Свята-Параскевінскага
храма протаіерэй Павел Дубінец. Бацюшка
карыстаецца вялікім аўтарытэтам як
сярод юных прыхаджан, з якімі заўзята
гуляе ў футбол, так і сярод дарослых,
якія выбралі яго дэпутатам Зарэчненскай
раённай Рады. Шырока вядомы айцец Паўло
(па-украінску) краязнаўчымі працамі,
дзякуючы чаму выяўлены шэраг адкрыццяў
у гісторыі храмаў і лёсах духоўных
пастыраў нават нашага краю.
На
пасяджэнне, прысвечанае роўнаапостальным
Мяфодзію і Кірылу, настаўнікам Славенскім,
гасцінна запрасіла бібліятэка райцэнтра.
Прадстаўнікоў Беларусі віталі ўлады
духоўныя і свецкія – благачынны акругі,
настаяцель Свята-Успенскага храма, а
таксама кіраўнік Зарэчненскай дзяржаўнай
адміністрацыі і яго намеснік (дарэчы,
выпускнік Столінскага саўгаса-тэхнікума).
Іерэй
Іаан Гарбуноў, які ўзначаліў нашу
дэлегацыю, пазнаёміў з гісторыяй і
святынямі Пінскай епархіі. Іерэй Сергій
Плотніцкі паведаміў аб справах сацыяльнага
служэння, аддзел якога ён узначальвае.
Бібліятэкар Лунінецкага політэхнічнага
каледжа Вера Скіба падрыхтавала
прэзентацыю аб Кажан-Гарадоцкім
Свята-Нікольскім храме. Беларуска-украінскія
сувязі былі праілюстраваны на прыкладзе
дочак мясцовага настаяцеля даваеннага
часу, стаўшых матушкамі – спадарожніцамі
жыцця свяшчэннікаў, якія ўзначальвалі
прыходы ў суседняй краіне. Аб творчых
стасунках дзеячаў культуры сведчыў
прагляд відэазапісу канцэрта Наталлі
Мурко. У выкананні лунінецкай спявачкі
прагучала ўкраінская песня аб маці, што
напісаў кампазітар з Сарнаў Віктар
Торчык.
Цікавымі
былі выступленні зарэчненскіх краязнаўцаў,
у ліку якіх – настаўнікі, урачы,
культработнікі. Своеасаблівая
відэаэкскурсія пазнаёміла з 30-цю храмамі
Рускай Праваслаўнай Царквы Маскоўскага
Патрыярхата (гэта – значная лічба: у
раёне ж пражывае толькі 30 тысяч жыхароў,
частка якіх акармляюцца ў храмах іншых
канфесій). Бібліятэкай падрыхтаваны
выданні аб святынях сярэднявечча, роўна
шануемых беларускім, рускім, украінскім
народамі. Гэта падкрэсліла і сустрэча,
што вялася на трох мовах, і тэма: “Адно
Палессе, адна вера, адна культура”.
Краязнаўцы
з Украіны падкрэслівалі, што многія
дакументальныя звесткі знаходзяць у
архівах Беларусі, захапляліся захаваннем
у нашай краіне нацыянальнай спадчыны
(асабліва шмат паломнікаў з украінскага
Палесся наведвае старажытны Тураў). У
сваю чаргу госці не хавалі ўражанняў
ад школы ў Марочна і гімназіі ў Зарэчна,
дзе з уваходу і ў кожным класным пакоі
з ікон глядзяць святыя, а істотнай
часткай музеяў устаноў адукацыі сталі
старыя прадметы царкоўнага ўбрання. У
сяле Сернікі захапіліся веліччу
Свята-Узнясенскай царквы, дзе цяпер
вядзецца роспіс (што тыпова для новых
будынкаў украінскіх храмаў). Шчыра
пажадалі падтрымкі дабрачынцаў жаночаму
манастыру Валынскай іконы Божай Маці
– дзесяць сясцёр на чале з матушкай,
ігуменняй Іуліаніяй, адраджаюць палескую
святыню…
Таццяна
КАНАПАЦКАЯ. Фота аўтара.
Комментарии
Отправить комментарий