Нядзельная школа

запрасіла на заняткі юных прыхаджан храма іконы Божай Маці “Спатоленне пагіблых” (“Взыскание погибших”).

Па традыцыі новаму навучальнаму году тут папярэднічае свята Нараджэння Багародзіцы (дарэчы, з яго пачынаецца і богаслужбовы цыкл царкоўнага каляндара, навалецце ў якім адзначаецца 14 верасня). Старэйшая і сярэдняя група сфарміраваны, а ў малодшую запісалася так многа хлопчыкаў і дзяўчынак, што, не выключана, яны будуць займацца ў двух класах. Гэта пытанне вырашыцца на працягу тыдня. Ва ўрачыстасці разам з настаўніцамі актыўна ўдзельнічалі выхаванцы нядзельнай школы, што займаюцца ўжо некалькі год: чыталі вершы, праводзілі віктарыны, частавалі ласункамі. Першым жа падарункам быў уручаны абразок з выявай прападобнага Сергія Раданежскага, які лічыцца нябесным памочнікам у вучобе.

Дзяцей, іх бацькоў і бабуль, якія далучыліся да ўрачыстасці, павіншаваў настаяцель храма іерэй Сергій Крышталь. Бацюшка пажадаў поспехаў у авалоданні духоўнымі ведамі і нагадаў: 21 верасня адзначаецца 10-годдзе служэння першай літургіі ў храме, што цяпер збудаваны. З двайнога святкавання пачаўся новы вучэбны год у нядзельнай школе…

Таццяна КАНАПАЦКАЯ. Фота Ірыны ГРУШЭЎСКАЙ.