Лунінецкі
раённы краязнаўчы музей запрашае на
выставу “Духоўная спадчына ў кнігах”.
Урачыстае
адкрыццё яе адбылося ў прастольнае
свята Крыжа-Узвіжанскай царквы. І не
выпадкова – многія з фаліянтаў належалі
лунінецкім свяшчэннікам. Асобныя выданні
пачатку ХVIII
і ХІХ стагоддзяў, якім пазайздросцяць
і нацыянальныя сховішчы, зберагла дачка
пасляваеннага настаяцеля храма Алена
Мікалаеўна Яноўская.
Каштоўнасці ў
вокладках яна перадала іерэю Сергію
Крышталю, у дадатак да той вялікай
калекцыі рарытэтаў, што бацюшка атрымаў
як ад прыхаджан, так і ад сяброў.
Наведвальнікаў уразілі не толькі кнігі,
асобныя з якіх можна назваць святынямі,
але і іх аўтары ці былыя ўладальнікі –
першую экскурсію надзвычай цікава і
пазнавальна правёў айцец Сергій.
Завітайце на
выставу, каб дакрануцца да духоўных
вытокаў хрысціянства, і, адчуўшы гонар
за продкаў, пераканайцеся ў моцы
сапраўднай веры.
Таццяна КАНАПАЦКАЯ.
Фота Сяргея
КАРПУКОВІЧА.
Комментарии
Отправить комментарий