У
гэтым годзе Дзімітраўская
бацькоўская субота выпала на 2
лістапада, што
афіцыйна адзначаецца як
Дзень
памяці.
2
лістапада 1921 года
нарадзіўся Мікалай Давыдаў. Ён стаў
лётчыкам, у час
Вялікай Айчыннай вайны – Героем Савецкага
Саюза. А 16 жніўня 1949 года
– гэта яго дзень нараджэння ў вечнасці.
У мірны час Мікалай Сяргеевіч здзейсніў
яшчэ адзін подзвіг – адвёў падаючы
самалёт ад Лунінца ў балота, цаною свайго
жыцця захаваўшы жыцці
жыхароў горада...
У
Год малой радзімы важна адзначыць:
лётчык Мікалай Давыдаў ваяваў і ва
Усходняй Прусіі. Удзельнічаў у баях за
горад Лабіау
– цяпер Палеск,
расійскі пабрацім Лунінца. Па
волі
лёсу Герой Вялікай Айчыннай вайны
пахаваны
ў нашым горадзе. А на зямлі Калінінградскай
вобласці навечна засталіся больш за
сто ўраджэнцаў раёна... Сапраўды дружба
Палеска і Лунінца асвячана крывёю
пакалення пераможцаў.
Напярэдадні
памятнай даты прадстаўнікі раённай
арганізацыі ГА «Беларускі саюз афіцэраў»,
навучэнцы гімназіі і сельгаскаледжа
наведалі старыя
Лунінецкія
могілкі.
Да
помніка
М.С. Давыдаву
ляглі чырвоныя гваздзікі. Памяць лётчыка
ўшанавалі хвілінай маўчання, у думках
паўтараючы біблейскую
ісціну:
«Няма больш за тую любоў, як калі хто
аддасць жыццё сваё
за сяброў сваіх...».
Таццяна
Канапацкая. Фота аўтара.
Комментарии
Отправить комментарий